Ndodh mrekullia për 61-vjeçaren, arrin të bëhet nënë pas 37 viteve përpjekje 26/11 21:59
Zaha Hadid, arkitektja e ndjerë britanike-irakiane, e cila ndërroi jetë në vitin 2016, është një nga profesionistet më të shquara në histori. Ajo ka realizuar shumë vepra madhështore, dhe një prej tyre është një nga stadiumet e reja në Katar.
Përveç arkitekturës së veçantë dhe moderne, kjo vepër, e cila po ndërtohet në mes të nxehtësisë së shkretëtirës, mbart një teknologji shumë të përparuar për sa i përket sistemit të ajrimit.
Kondicionerët e teknologjisë më të fundit pritet t’ua ulin temperaturën tifozëve deri në 22 gradë celsius, ndërkohë që mjedisi rrotull tyre është përcëllues edhe në dimër.
Forma e stadiumit është frymëzuar nga varkat tradicionale që kanë përdorur gjithnjë peshkatarët e zonës, por sot, në kohën e internetit, komentuesit e bënë virale për një tjetër arsye, për faktin që ka ngjashmëri me vizatimet e gjenitaleve femërore. Siç pritej, kjo i dha më shumë famë se arsyeja origjinale e formës.
Top Channel
