Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Kryeministrja Theresa May do të udhëtojë të enjten në Bruksel për t’u thënë udhëheqësve të Bashkimit Evropian se duhet të pranojnë ndryshime të detyrueshme ligjërisht në marrëveshjet kufitare të Irlandës, për një pakt të daljes së Britanisë, ose do të përballen me perspektivën e një daljeje të çrregullt nga unioni.
Mbretëria e Bashkuar do të largohet nga BE pas vetëm 52 ditësh, por Londra dhe Brukseli po debatojnë nëse marrëveshja e arritur në nëntor mund të ndryshohet, duke ngritur mundësinë e një vonese për Brexitin, një marrëveshje të minutës së fundit ose një dalje pa marrëveshje.
Që kur ligjvënësit britanikë kanë hedhur poshtë marrëveshjen e tërheqjes muajin e kaluar, parlamenti ka udhëzuar May-n për të zëvendësuar elementin e saj më kontestues, një politikë sigurimi që mbulon aranzhimet e mundshme të ardhshme për kufirin mes Irlandës pjesë të BE-së dhe krahinës britanike të Irlandës së Veriut.
May do të takohet me Presidentin e Komisionit Europian Jean-Claude Juncker dhe më pas me Presidentin e Këshillit Europian Donald Tusk në Bruksel, të enjten.
“Nga pikëpamja politike, ka ende kohë”, tha kancelarja gjermane Angela Merkel në një konferencë në Tokio. “Por për këtë do të ishte shumë e rëndësishme të dimë se çfarë saktësisht parashtron pala britanike në lidhje me marrëdhëniet e saj me BE”, tha ajo.
May, në një vizitë në Belfast të martën, u përpoq të sigurojë Irlandën e Veriut se ajo mund të ofrojë një Brexit të rregullt që do të sigurojë paqen në një krahinë të ndarë nga tre dekada konflikti sektar, deri në një marrëveshje të vitit 1998.
Partia Bashkimi Demokratik i Irlandës Veriore (DUP), e cila ka mbështetur qeverinë e May-t që kur ka humbur shumicën parlamentare në një zgjedhje të vitit 2017, tha se donte të merrte një marrëveshje, por “back stop”-i duhej të zëvendësohej.
Top Channel
