“Parker është e sigurt”/ Mision vëzhgimi pranë Diellit, sonda e NASA-s dërgon sinjale 27/12 10:42
Në Marok e mendojnë ndryshe nga disa vende të tjera ndërrimin e orës. Me mijëra nxënës protestuan për të tretën ditë rresht, kundër vendimit të qeverisë për të mbajtur orën verore edhe në këtë kohë të vitit.
Atyre u duhet të ngrihen tani që pa gdhirë për të shkuar në shkollë. Kjo ka bërë që vendimi i ekzekutivit, i cilësuar si “i turpshëm” dhe një “farsë”, të nxisë demonstrata në disa qytete të ndryshme të vendit. Ankesa nuk mbërrijnë vetëm nga nxënësit.
“Këtë javë, nxënës, mësues, punonjës të disa industrive, të gjithë po protestojnë ndaj lëvizjes së qeverisë. Njerëzit që drejtojnë vendin duhet t’ua vënë veshin kërkesave të popullit”, tha Hicham Chouladi, anëtar i shoqatës islamike “Adl Wal-Ihsane”.
Qeveria marokene vendosi më 26 tetor të braktiste planet për kthimin e orës dimërore, me arsyetimin se kjo do të ndihmonte të shpëtohej “një orë dritë naturale”.
Një hap i tillë, sipas saj redukton edhe konsumin e energjisë elektrike. Vendimi i minutës së fundit befasoi shumëkënd e shkaktoi sa indinjatë, aq edhe konfuzion, duke qenë se pajisjet elektronike të shumë marokenëve u kthyen automatikisht në orën dimërore.
Një zëdhënës i Ministrisë së Arsimit tha për çdo rast se shkollat ishin autorizuar të rregullonin oraret e tyre “sipas nevojave të çdo rajoni”.
Top Channel
