Debate në KLP, Tiranës dhe Elbasanit i mungojnë 51 prokurorë
18/07 21:17
Zbardhet vdekja e dyshimtë në Durrës e 81-vjeçares Floresha Shkurti, e cila u gjet e pajetë me një goditje në kokë në shtëpinë e saj të enjten.
Sipas policisë, vrasjen në lagjen 16 të qytetit dyshohet se e ka kryer nipi 21-vjeçar i saj. Redmon Gruda u arrestua pasi goditi me thikë një ditë më parë gjyshen, pas një konflikti verbal që dyshohet se ka nisur nga presioni i nipit për t’i marrë parà.
Në polici, disa orë pas shoqërimit, ai ka pranuar se e ka goditur gjyshen në gjaknxehtësi e sipër. Gruda u arrestua për “vrasje për shkak të marrëdhënieve familjare”, vepër penale kjo që dënohet me burgim jo më pak se njëzet vite, ose me burgim të përjetshëm.
E moshuara ndante apartamentin me nipërit dhe nusen e djalit, pas vdekjes së të birit vite më parë. Sipas të afërmve, Shkurti, nënë edhe e dy vajzave që jetojnë në Itali, vuante nga skleroza, ndërsa në lagje, 21-vjeçari njihej si i ri problematik, përdorues alkooli dhe hashashi.
Top Channel
