Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Roma nuk arriti të marrë më shumë se një pikë në transfertën e “Dall Ara-s”, përballë Bolognas. Përfundoi në barazim 1-1, sfida që hapi javën e 30-të të Serisë A, mes kuqebluve të Donadonit dhe verdhekuqëve të Di Francescos.
Një barazim që nuk i shërben shumë skuadrës kryeqytetase pasi nga ky hap fals i Romës mund të përfitojnë Interi dhe Lazio që kanë sfida të lehta në letër këtë të shtunë.
Me pikën e marrë Roma u ngjit në kuotën e 60 të tillave ndërkohë që lajmi i keq se Radja Nainggolan u largua nga fusha i dëmtuar pas vetëm 17 minutash duke i lënë vendin brazilianit Gerson.
Mesfushori belg tashmë rrezikon seriozisht të mungojë në sfidën e mesjavës ndaj Barcelonës, për çerekfinalet e Championsit.
Ishin vendasit që kaluan të parët në avantazh teksa në minutën e 18-të Pulgar pas një serie karambolesh në zenë, me një goditje të bukur nga 16 metra distancë mposhti portierin Allison.
Në fraksionin e parë Roma u ndal te shtylla por verdhekuqtë arritën ta gjenin barazimin me Edin Dzekon që i ardhur në fushë nga stoli në minutën e 76-të, zgjati kokën për të devijuar drejt rrjetës një krosim të Perrotit duke i dhënë një pikë skuadrës së Di Francescos.
Top Channel
