Zbardhet kalendari i Shqipërisë në Ligën e Kombeve
25/01/2018 04:19
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Grezda, pas shënimit të golit të tretë në miqësoren Turqi-Shqipëri
Me shortin e hedhur sot në Nyon te Zvicrës, mori rrugë edhe kompeticioni më i ri i UEFA-s, Nations League apo Liga e Kombeve. Shqipëria merr pjesë në Ligën C të këtij kompeticioni, ku shorti e vuri në një grup me Skocinë dhe Izraelin.
Federata Shqiptare e Futbollit ka publikuar në faqen e saj zyrtare edhe kalendarin e ndeshjeve të Shqipërisë në Ligën e Kombeve. Kështu kuqezinjtë do të debutojnë më 07 Shtator të këtij viti në Shqipëri, përballë Izraelit, ndërsa 3 ditë më vonë do të udhëtojnë në Skoci.
Në 14 Tetor kuqezinjtë do të udhëtojnë në Izrael, ndërsa më 17 Nëntor do të luajnë ndeshjen e fundit, atë me Skocinë në Shqipëri.
Vihet re se vetëm 3 ditë pas ndeshjes së parë me Izraelin, kuqezinjtë do të detyrohen të luajnë në Skoci, një transfertë mjaft e largët për skuadrën e Panuccit, që do të shkojë e sfilitur përballë vendasve, që më 07 Shtator janë pushim.
Datat e ndeshjeve, janë si më poshtë:
07.09.2018 ora 20:45 Shqipëri-Izrael
10.09.2018 ora 20:45 Skoci-Shqipëri
14.10.2018 ora 20:45 Izrael-Shqipëri
17.11.2018 ora 20:45 Shqipëri-Skoci
Top Channel
