Napoli kërkon mbrojtësin kroat, për të zëvendësuar Ghoulam
08/11/2017 03:52
Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Mbrojtësi algjerian i Napolit pësoi një dëmtim të rëndë, që do ta mbajë jashtë fushave të lojës për disa muaj, ndaj drejtuesit e Napolit janë vënë në lëvizje për të gjetur një zëvendësues për të.
Emri konkret, për të cilin po punohet është mbrojtësi Sime Vrsaljko, që aktualisht është pjesë e Atleticos së Madridit. Kroati nuk gëzon besimin e Diego Simeones dhe ka luajtur shumë pak minuta në Spanjë, ndaj do të mirëpriste një rikthim në Serinë A, atje ku edhe spikati fillimisht.
Napolitanët janë gati të marrin mbrojtësin në huazim 6-mujor me të drejtë blerjeje në verë, ndërsa madrilenët do të pranonin të shkarkoheshin nga paga e një futbollisti, të cilin e përdorin shumë pak.
Aktualisht në krahun e majtë të mbrojtjes, në skuadrën e Sarrit po luan mbrojtësi Elseid Hysaj, por me ardhjen e Vrsaljkos, shkodrani pritet të rikthehet në rolin e tij natyral, në krahun e djathtë.
Top Channel
