Barcelona dhuron sërish spektakël, mund Levanten dhe ruan me pikë të plota kreun e La Ligës

Katalanasit e nisën fuqishëm takimin dhe kaluan në avantazh që në minutën e 5-të me Xavi Espart. Raphinha asistoi nga një aksion i gjatë i Barcelonës, ndërsa Espart goditi nga jashtë zone dhe topi, pasi u devijua nga mbrojtja, përfundoi në rrjetë.

Në minutën e 19-të erdhi edhe goli i dytë. Fermín gjeti Raphinhën në hapësirë dhe braziliani shërbeu për Lamine Yamal, i cili nuk gaboi përballë portierit të Levantes.

Barcelona vazhdoi dominimin edhe në pjesën e dytë dhe në minutën e 47-të fitoi një penallti, pas një ndërhyrjeje ndaj Lamine Yamal. Vetë talenti i Barcelonës mori përsipër ekzekutimin dhe realizoi për 0-3.

Kur dukej se ndeshja ishte mbyllur, Levante përfitoi nga një moment dobësie i Barcelonës. Në minutën e 79-të, një gabim në dalje nga Xavi Espart i dha mundësinë Iván Romeros të shënonte për 1-3.

Vetëm në minutën e 88-të, Brugué ngushtoi edhe më shumë diferencën, duke e çuar rezultatin në 2-3 dhe duke i dhënë shpresë Levantes për një përmbysje të befasishme.

Por Barcelona nuk lejoi surprizën. Në minutën e 92-të, Adeyemi realizoi një gol spektakolar pas një aksioni individual, duke shmangur dy kundërshtarë dhe duke vulosur fitoren e katalanasve me rezultatin 2-4.

Me këtë sukses, Barcelona konfirmon formën e mirë, ndërsa Lamine Yamal ishte një nga protagonistët kryesorë me dy golat e tij. Adeyemi, ndërkohë, e mbylli ndeshjen me një tjetër gol vendimtar në minutat shtesë.

Kwshtu, Barcelona vijon tw jetw nw vendin e parw nw La Liga, ku kryeson me pikw tw plota pas 5 ndeshjesh.

REZULTATI:

Levante 2-4 Barcelona

Romero 79’, Brugue 88’ / Espart 5’, Yamal 19’, (P) 48’, Adeyemi 90+3’

Top Channel