Rrugëtimi i Ukrainës drejt integrimit në BE ka marrë një kthesë të re sot pas publikimit të disa fotove intime të zv/ministres së Brendshme e ngarkuar për Integrimin në BE.
24-vjeçarja Anastasia Deeva, ka qenë objekt i sulmeve të ashpra prej momentit që ajo ka marrë këtë detyrë për shkak të moshës së saj fare të re, akuza të cilat shefi i saj, i cilësoi si fanatike.
Tashmë ministri i Brendshëm i Ukrainës, Arsen Avakov ka dalë sërish në mbrojtje të 24-vjeçares së martuar pas publikimit të fotove gjysmë të zhveshura në rrjetet sociale.
Avakov ka theksuar se fotot e publikuara janë foto private të 24-vjeçares dhe kjo nuk ka lidhje me aftësitë e saja në punë, ku ka ritheksuar se ajo është tejet e përgatitur pavarësisht moshës.
“Në kohën e sovjetikëve, ai pozicion do të mbahej nga përbindëshit e vërtetë, kurse ajo është thjesht një vajzë”, ka deklaruar Avakov.
Fotot intime të publikuara së fundmi, 24-vjeçarja i ka realizuar vite më parë kur ndodhej në fakultet.
Top Channel
