Belgjikë, 9 të arrestuar për sulmet në Paris
19/11/2015 18:10
Ndihma ushtarake amerikane për Izraelin e ndërlidhur me respektimin e të drejtave të njeriut 25/04 16:43
Autoritetet belge vazhdojnë operacionet në kërkim të personave të dyshuar si bashkëpunëtorë me 8 terroristët që ndërmorën sulmet gjakatare në Paris të premten që kaloi.
Në nëntë operacione të ndryshme të ndërmarra në periferitë e Brukselit, në pranga përfunduan nën vetë. Ndaj tre prej të ndaluarve, autoritetet belge thonë se kanë prova për lidhjen e tyre me sulmet e Parisit.
Gjashtë arrestimet e tjera lidhen me pasurinë e Bilal Hadfi, terroristi që hodhi veten në erë në “Stade de France” në kohën kur luhej ndeshja miqësore Francë-Gjermani.
Prokurorët belgë thonë se këta gjashtë persona po merren në pyetje dhe se deri më tani nuk është gjetur një lidhje e drejtpërdrejtë e tyre me sulmet e Parisit.
Kontrollet e policisë belge janë përqendruar në lagjet Jette, Uccle dhe Molenbeek, që të gjitha të njohura për prani të theksuar komunitetesh emigrantësh nga Lindja e Mesme dhe Afrika e Veriut.
Top Channel
