Për të qarkulluar në disa prej akseve më të rëndësishme në vend qytetarët do të taksohen nga koncesionarët që do të garantojnë mirëmbajtjen e rrugëve.
Ministria e Transporteve thotë se fondi për mirëmbajtjen është i pamjaftueshëm dhe se qeveria konsideron si të vetmen mundësi dhënien me koncension të rrugëve dhe taksimin e qytetarëve.
“Aktualisht fondi është 10 milionë euro, është sa një e treta e asaj që kemi nevojë. Eshtë vlerësuar se duhen 30 deri në 40 milionë euro”, deklaroi Argita Totozani, drejtoreshë e Integrimit pranë Ministrisë së Transporteve.
Deputetët në komision votuan projektligjin që i hap rrugë hartimit të një strategjie për taksimin rrugor në bashkëpunim me kompaninë konsulente “Egnatia Odhos”, e përzgjedhur nga BERZH si ofruese e fondit.
Strategjia, që do të përfundojë në 8 muaj, do të caktojë rrugët që do të taksohen në funksion të cilësisë dhe mjeteve që qarkullojnë në to.
Top Channel
