Barça bisedon me Messin për rinovimin
31/01/2014 12:05
Pavarësisht rëndësisë thelbësore të Muçit, Trabzonsporit i duken shumë 8.5 milion euro për të. 27/12 10:16
Pas mësimit të lajmit se Neymar përfitonte shumë më tepër nga sa ishte nënshkruar në kontratë, plot 17,5 milionë euro në vit, Barcelona duket e kujdesshme për të mos i lënë shkas yllit të saj më të madh, Lionel Messit që të mërzitet.
E përditshmja spanjolle “AS” informoi gjatë të premtes se presidenti i klubit, Josep Maria Bartomeu, i ka kërkuar babait, njëkohësisht përfaqësuesit të Messit që të ulen për të biseduar mbi rinovimin e kontratës.
Presidenti ka vendosur që të shndërrojë argjentinasin në futbollistin më të paguar të botës, në marrëveshjen e re që do të firmosë me të.
Kontrata e re do të lidhë Messin me Barçën deri në vitin 2018, ndërsa klauzola e shitjes automatike do të vazhdojë të jetë e fiksuar në 250 milionë euro.
Ndonëse të dhëna të tjera mbeten ende të panjohura për shtypin, “AS” spekulon se nuk do të ishte çudi që paga e re vjetore e Messit t’i kalojë 20 milionë euro në sezon.
Top Channel
