Basha: Demokratë, mos u shkurajoni
11/01/2014 00:00
Certifikimi i rezultatit në qarqe/ PD kërkesë KQZ: Na vini urgjentisht në dispozicion provat 23/05 22:24
Kryetari i Partisë Demokratike, Lulzim Basha ishte të shtunën në Vlorë, ku i bëri thirrje demokratëve që të mos dekurajohen pasi do të rikthehen sërish tek fitorja.
Basha tha se qeveria e Ramës ofron vetëm gënjeshtrën dhe mashtrimin. Sipas tij, për çdo dështim në mbajtjen e premtimeve nga ana e qeverisë ka vetëm një përgjegjës, që është kryeministri Rama.
“Mashtrimi dhe gënjeshtra, masat e marra prodhojnë rritje pasigurie, ulje investimesh, rritje çmimesh, etj. Kryeministri i plasaritur vazhdon të shpifë e trillojë.
As nuk do të ketë legalizim falas, ashtu sikundër nuk ka shëndetësi falas. Por ka edhe një fatkeqësi tjetër, kthimin e konfliktualitetit agresiv politik në vend, që buron vetëm nga Edi Rama. Ai është i paaftë, i papërgjegjshëm dhe po mbetet përditë mbrapa shqiptarëve, botës dhe Evropës.
Ne nuk do të përgjigjemi me konfliktualitet dhe urrejtje. Ju qytetarët e Vlorës keni treguar vizionin e demokratëve: edhe pse pësoni një humbje mos u dekurajoni, ju do të ktheheni sërish tek fitorja”, u shpreh Basha.
Top Channel
