Në pamje të parë duken si skica të thjeshta, por në fakt këto që shihni janë mobilje të vërteta të krijuara nga koreani Jinil Park.

Kjo linjë që quhet “Mobiljet skica” është prodhuar duke bashkuar tela çeliku që japin përshtypjen e një skice të mirëfilltë.

Koleksioni përfshin 2 karrike, 2 llamba dhe një tavolinë.

“Ideja është që të transformojmë një vizatim 2D në një objekt 3D”, thotë 25-vjeçari për ‘Daily Mail’.

“Duhet shumë punë në mënyrë që këto tela të ndërlidhen me njëra-tjetrën për të mbajtur peshën e një personi”, shton Jinil Park.

Puna e tij tashmë mund të shihet në një ekspozitë dizajni në Këln të Gjermanisë. Cmimin e këtyre mobiljeve ai do e vendosë pasi të mbyllet ekspozita, në fund të janarit.

Top Channel