Rumania, mbështetje për statusin

“Rumania përkrah dhe mbështet fuqishëm Shqipërinë në rrugën e saj evropiane dhe për hapjen e negociatave për marrjen e statusit kandidat. Gëzohem shumë që mbas zgjedhjeve të 23 qershorit, z.Rama fitoi bindshëm në vendin e tij. Njihemi prej shumë vitesh dhe të dy palët kemi kaluar në periudhën e vështirë të opozitës. Tani, duke qenë në krye të qeverive të dy vendeve, mbetet që të provojmë të gjithë aftësitë tona për të mirën e popujve tanë”, tha Ponta.

“Unë e çmoj shumë këtë shembull që Kryeministri i Rumanisë jep duke treguar se jo vetëm është e mundur, por është plotësisht e mundur që kriza të përballet me sukses, jo në kurriz të shtresave më në vështirësi, por, përkundrazi, duke i lehtësuar ata që janë më në vështirësi dhe duke mundësuar rritjen ekonomike të vendit”, u shpreh Rama.

Rumania eshte nje nga 5 vendet e Bashkimit Europian qe nuk ka njohur ende pavaresine e Kosoves, por se fundi, qendrimi i Kryeministrit Viktor Ponta, me nxitjen e ëashingtonit dhe Brukselit, ka nisur te ndryshoje ne favor te pavaresise. Ky hap pozitiv nuk mund te mos vihej ne dukje nga kryeministri Edi Rama.

“Unë e çmoj jashtëzakonisht shumë edhe qëndrimin e Kryeministrit dhe të Qeverisë së tij lidhur me Kosovën. Njohja e Kosovës nga ana e Rumanisë do të jetë një hap jashtëzakonisht i rëndësishëm për rajonin. Ne presim me padurim, që kjo të ndodhë, me bindjen se do t’i shërbejë paqes dhe zhvillimit ekonomik e social të rajonit”, u shpreh Rama.

Gjate qendrimit ne Bukuresht, kryeministri Edi Rama u takua edhe me homologet europiane te Polonise, Çekise, Estonise dhe Sllovakise, mbeshtetja e te cileve eshte e domosdoshme per marrjen e statusit te vendit kandidat. Por, ne kete kohe te veshtire ekonomike, Shqiperise i duhen edhe aleate te forte ekonomike. Per kete arsye, Kryeministri Edi Rama po i kushton rendesi marredhenieve me Kinen.

Takimi ne Bukuresht me homologun kinez Li Keqiang u perqendrua tek prioriteti qe Qeveria shqiptare u ka dhënë projekteve rajonale në fushën e transportit, infrastrukturës dhe energjisë. Kryeministri kinez, duke e uruar zotin Rama per fitoren e zgjedhjeve, ndau te njejten bindje me kreun e Qeverise shqiptare per nevojen e nxitjes se marredhenieve ne fushen e tregtise dhe industrise. 2014 do te shpallet si viti i investimeve dhe per 5 vitet e adhshme Kina ka planifikuar dyfishimin e shkembimeve tregtare me vendet e Europes Qendrore dhe Lindore, ku perfshihet dhe Shqiperia.      

Top Channel