Të hash deri në vdekje

Në pesë vitet e fundit ai ka jetuar në Guam (një ishull i Paqësorit) me bashkëshorten e tij që përkujdesej për çdo gjë që i duhej. 39-vjeçarit i ishte ofruar një operacion që do i shpëtonte jetën dhe një staf televiziv amerikan e ka ndjekur për tre vite radhazi për të dokumentuar betejën e tij për të humbur peshë në mënyrë që të ishte në gjendje të udhëtonte deri në Shtetet e Bashkuara të Amerikës.

Por, Ricky ndërroi jetë në nëntor të vitit 2012, para se dokumentari të transmetohej për herë të parë në televizion. Historia e tij e dhimbshme u tregua këtë javë.

Ricky dhe Cheryl kishin 10 vite të martuar, por pesha e tij bënte që marrëdhënia e tyre të mos konsumohej kurrë. Edhe pse në të tilla kushte, bashkëshortja nuk e braktisi, por e kalonte ditën duke e ushqyer dhe larë.

“Është si të kujdesesh për një foshnje me përmasa shumë të mëdha”, thotë në dokumentar Cheryl. Ndërsa Ricky shpreh dëshirën e tij të madhe për të jetuar.

“Do të bëj gjithçka për të jetuar normalisht. Kam vite që nuk dal jashtë dhe dua të shoh botën përreth. Dua të ndjej diellin në fytyrë”, thonte Ricky.

Top Channel