PLL: Të kthehen eshtrat e Zogut
16/09/2012 00:00
“Një politikan kërcënoi Dumanin me sms, do kemi zhvillime”, deputeti i PD: U bëra pishman që votova amnistinë, u liruan zyrtarë të korruptuar 28/05 17:00
Kreu i Partisë Lëvizja e Legalitetit ka kërkuar që në kuadër të 100-vjetorit të Pavarësisë të kthehen në Shqipëri eshtrat e Mbretit Zog dhe të ndërtohet mauzoleumi përkatës.
“Në kuadër të festimeve të 100-vjetorit të Pavarësisë dhe nderimit të personaliteteve të shquar të historisë së shtetit tonë, Partia Lëvizja e Legalitetit vlerëson maksimalisht angazhimin e qeverisë shqiptare për kthimin në atdhe të eshtrave të Mbretit Zog dhe ndërtimin e mauzoleumit përkatës që do të ngrihet aty ku ka qenë mauzoleumi i mëparshëm që u shkatërrua me dinamit prej komunistëve kur hynë në Tiranë”, theksoi Spahiu.
Kreu i PLL-së, duke iu referuar zhvillimeve politike dhe sociale në vend, i kërkoi Partisë Socialiste të ndërpresë fushatën e sulmeve ndaj Mbretit Zog dhe e deklaroi korrigjim padrejtësie aktin normativ për kthimin e banesave te pronarët legjitimë.
Spahiu kërkoi gjithashtu kthimin e dënimit me vdekje për disa vepra penale, si ajo e vrasjes së punonjësve të policisë.
Top Channel
