Rama: Ja si do mbështesim fermerët
11/09/2012 00:00
Zbulohet kallëzimi i drejtorit të Trajtimit të Kredive: Burri i ministres më goditi me thikë. Reagon Policia: Dosja në Prokurori për ‘goditje për shkak të detyrës’
26/04 23:26
Për të krijuar një ide më të qartë rreth problematikave që ndeshen dita-ditës fermerët shqiptarë, Edi Rama vizitoi një fermë blektorale në Kashar një prej më të mëdhave në vend.
Kreu opozitës u shpreh se qeverisja e ardhshme socialiste do japë një mbështetje që nuk e ka pasur kurrë në 20 vjet, kujtdo që merret me prodhimin bujqësor në fshat. Pasi dëgjoi shqetësimet që lidhen me këtë sektor, Rama premtoi disa angazhime.
“Nëse nuk ulet cmimi i naftës në bujqësi ne do të heqim e akcizës, por nëse nuk hiqet TVSH-ja për inputet bujqësore, për plehrat, për farëra, dhe nëse nuk mbështetet fuqishëm nisma private në gjithë sektorin e fshatit duke mbështetur njerëz me talent dhe kurajo si ju, dhe duke mos i konsideruar ata që jetojnë në fshat si të vetëpunësuar, nuk ka asnjë shans që fshati të dalë nga kjo prapambetje ku e ka zhytur braktisja e shtetit”, tha Rama.
Në programin për një “Rilindje Kombëtare” PS i ka kushtuar një seksion të vecantë sektorit për bujqësinë i cili pritet të pasurohet me të tjera propozime që do të vinë nga fermerët shqiptarë.
Takim me Forumin e Grave Socialiste në Vlorë
Në orët e mbrëmjes së të martës, kreu socialist u ndal në Vlorë në takimin e Forumit të Grave Socialiste në këtë qytet.
Në fjalën e tij, Rama tha se është pikërisht kjo shtresë e shoqërisë që e ndjen e para degradimin e vendit, ndaj është koha për ndryshim, që sipas tij nuk duhet ta presim, por ta arrijmë. Rama shtoi se programi i socialistëve premton zhvillimin e vendit dhe përparimin e pozitave të gruas në shoqëri në stade të denja për një vend europian.
Top Channel
