Jack Froese vdiq në qershor të vitit të kaluar nga një crregullim në zemër në moshën 32-vjecare, duke lënë pas hidhërimin tek familjarët dhe miqtë e tij.
Por pesë muaj pas vdekjes, disa nga të afërmit e tij nisën të marrin e-maile nga adresa e tij me përmbajtje tejet private të diskutuara mes tyre vetëm pak ditë para vdekjes së tij.
Familjarët e Froese thanë se askush s’e ka fjalëkalimin e adresës së tij në internet dhe nuk e besojnë se ajo është vjedhur nga piratët elektronikë.
Por kush dërgon mesazhe nga adresa e Jack? Familjarët e të afërmit e të ndjerit thonë se kjo për ta mbetet një mister dhe “preferojnë të besojnë se mesazhet vijnë nga përtej”…nga miku i tyre i varrosur thuajse një vit më parë.
Megjithatë, familjarët dhe miqtë e Jack shprehin skepticizmin e tyre. Ata thonë se nuk do të hetojnë burimin “misterioz” të mesazheve të marra.
Miku i ngushtë i Jack tregon se si u ndje në momentin kur mori mesazhin në internet.
“U shokova! Mesazhi ishte i shkurtër, por i ndërtuar në atë mënyrë që vetëm unë dhe Jack mund ta kuptojmë”, tha Tim Hart, shok fëmijërie me Jack Froese.
Top Channel
