Dy stuhi diellore

Të tilla pohime shoqërohen edhe me paralajmerimin se flakët mund të shkaktojnë probleme në tokë: bllokim të radiove, rënie të rrjeteve elektrike apo ndryshim kursi për avionët.

Të dy lëshimet u klasifikuan si stuhi diellore të tipit më të fuqishëm që ekziston.

Shpërthime të kësaj natyre paraqesin rrezik për infrastrukturën qëndrore gjithmonë e më të varur nga satelitët që janë nga ana e tyre shumë të ndjeshëm ndaj ndryshimeve të fushave rrethuese elektromagnetike. Por edhe teknika e thjeshtë elektrike është e ndikueshme nga rrezatimi diellor.

Kjo është vënë re që në vitin 1973, shumë kohë para epokës së internetit dhe navigacionit satelitor. Atëherë një shpërthim diellor pati shkaktuar ndërprerjen e energjisë në provincën kanadeze të Quebec-ut, duke lënë gjashtë milionë njerëz në errësisë. Deformimi i fushës magnetike të tokës nga grimcat e ngarkuara, që hynin, kishte çuar në në sistemet e shpërndarjes së energjisë.

Stuhia më e fortë diellore e dokumentuar në histori ka qenë ajo e vitit 1859. Sistemet e telegrafeve u bllokuan në të gjithë Europën e Amerikën Veriore, dhe në disa raste, sipas raporteve të kohës, kabllot lëshuan shkëndija ndërsa letra e përdorur në makineri mori flakë vetë. Nëse një  “supererupcion” i tillë do të ndodhte sot, ekpsertët thonë se infrastruktura në pjesë të mëdha të globit do të paralizohej brenda pak minutave.

Top Channel