“Një miliard falenderime edhe 25 herë të tjera”. Me këtë mesazh “App
Store”, dyqani online i kompanisë “Apple”, ka njoftuar arritjen në 25
miliardë aplikime të shkarkuara.
Personi që bëri aplikimin e 25 miliardtë u shpërblye me një dhuratë me vlerë 10 mijë dollarë.
Një shumë kjo që mund të shpenzohet në dyqanin e “Apple”, ku shumica e aplikimeve kanë kosto që variojnë nga 79 qindarka deri në 10 mijë dollarë.
Situata ekonomike e kompanisë së krijuar nga Steve Jobs është më mirë se kurë, gjë që ka bërë të shtrohet pyetja: Mos ndoshta “Apple do të blejë Greqinë?”.
Pyetja e pabesueshme u parashtrua në mbledhjen e aksionerëve të kolosit teknologjik që disponon në llogarinë e tij bankare të paktën 97.6 miliardë dollarë.
Por gjërat nuk po ecin edhe aq mirë në Kinë, ku në fabrikat e kompanisë kanë nisur një sërë verifikimesh mbi kushtet e punës, pas zërave se punëtorët trajtoheshin si skllevër.
Top Channel
