Ilaçet fallco kundër malaries, rrezikojnë miliona jetë
17/01/2012 03:05
Fotot/ Fustanet virale në rrjetet sociale, Katy Perry dhe Rihanna pre e mashtrimit: Nuk ishim prezente në Met Gala, fotot janë krijuar nga AI 07/05 18:09
Cilësia fallco dhe e varfër e barnave kundër malaries po kërcënon përpjekjet për të vënë nën kontroll sëmundjen në Afrikë dhe përbën një rrezik për miliona jetë, bënë të ditur shkencëtarët, pas një ekzaminimi.
Ilaçet e falsifikuara mund të dëmtojnë pacientët dhe mund të nxitin rezistencën ndaj medikamenteve tek parazitët e malaries, paralajmëron një studim i financuar nga “Wellcome Trust”.
Malaria mendohet se vret rreth 800.000 njerëz në vit.
Disa nga tabletat fallco mendohet të kenë origjinën nga Kina.
Shkencëtarët ekzaminuan ilaçet e rreme jashtë standardit, që u gjetën në shitje në 11 shtete Afrikane, mes viteve 2002 dhe 2010.
Ata zbuluan se ilaçet përmbanin një përzierje të gabuar nga përbërësit e duhur farmaceutike, të cilat fillimisht lehtësonin simptomat e malaries, por nuk e kuronin atë.
Disa nga përbërësit në tableta mund të shkaktojnë efekte anësore mjaft të rënda, sipas studimit.
Top Channel
