Si do të duket shpërthimi i Diellit tonë
27/12/2011 16:40
Pranvera është stina e duhur për pastrimin tërësor të trupit 06/05 15:18
Një fotograf i hapësirës, Bill Snyder, publikoi imazhet e rralla të shpërthimit të një ylli të quajtur Dumbbell Nebula.
Sipas profesionistit, i njëjtë është edhe vizioni që do të ofrojë Dielli ynë kur të vdesë, diçka që sipas llogarive të shkencëtarëve do të ndodhë pas 4-5 miliardë vitesh.
”I gjithë gazi në zgjerim dhe pluhuri që duken në fotografi është ndodhur brenda yllit në shpërthim”, shpjegoi Synder. “Një re e madhe gazi rrethoi yllin, përpara se ai të shpërthente. Dumbbell Nebula është përafërsisht 1 360 vite dritë larg Tokës. Shpërthimi është lehtësisht i dallueshëm edhe nga teleskopët amatorë”.
Për herë të parë, shuarja e yllit u evidentua në vitin 1764, nga astronomi Charles Messier. Sipas vlerësimeve të ekspertëve, procesi i shuarjes dhe shpërthimit të mëpasshëm të yllit ka nisur 3-50 mijë vjet më parë.
Reja e pluhurit dhe gazit që ka mbuluar yllin është më e madhe se sa distance midis Diellit tonë dhe yllit më të afërt me Tokën, rreth 4,5 vjet dritë larg.
Top Channel
