Lindja e një ishulli të ri
10/11/2011 16:30
Historia e pabesueshme e 93-vjeçarit që ka moshën biologjike të një 30-vjeçari! Richard Morgan tregon sekretin e tij 19/04 09:08
Një ishull i ri është duke u krijuar pranë brigjeve portugeze, si rrjedhojë e depozitimit të llavës së vullkanit “El Hierro”.
Magma e vullkanit që shpërtheu në ishujt Kanarie gjatë tetorit është depozituar vazhdimisht në një thellësi 20 metra brenda ujit dhe si rrjedhojë, majat e disa shkëmbinjve kanë dalë në sipërfaqe. Nga vëzhgimet, duket se bëhet fjalë për një masë solide, e cila do të formojë një ishull të ri të vogël.
I ndodhur disa qindra metra në thellësinë e detit, ai është në gjendje të shihet me sy të lirë nga brigjet e ishujve Kanarie, ndërsa banorët janë duke u përpjekur që të gjejnë një emër për tokën e re të sapokrijuar. Midis mundësive, “El Hierro” duket se është ajo më realja.
Vullkani i “El Hierros” ka një zgavër të madhe mbi një kodër nga ku ka rrjedhur llava, por edhe disa zgavrra të tjera nënujore, të cilat forcojnë efektin e tokëformimit.
Vetë ishujt Kanarie janë ishuj magmatikë, të formuar nga vullkanet e ndodhura qindra mijëra vjet më parë. Shpërthimi i fundit në “El Hierro” kishte ndodhur në vitin 1793 dhe që prej atëherë, “përbindëshi” kishte qëndruar i fjetur.
FOTO GALERI
1/1
Depozitimi magmatik formon nje ishull te ri prane brigjeve portugeze
Top Channel
