Thatësira, OKB ndan ndihma në Somali
17/07/2011 08:50
‘Bjondja’ zhduk padashje portofolin Bitcoin të të dashurit me mbi 500 milionë paundë (fotot) 25/11 21:43
OKB ka bërë shpërndarjen e parë të ndihmave për viktimat e thatësirës në zonat e Somalisë të kontrolluara nga militantët e lidhur me Al Kaedën.
Zyrtarja e OKB-së për fëmijët, Rozanne Chorlton ka deklaruar se guerrilasit e Al Shabab u kanë dhënë akses punonjësve të OKB-së, veprim ky që mund të inkurajojë agjencitë e tjera.
Njoftimi i Kombeve të Bashkuara vjen në një moment kur Mbretëria e Bashkuar vendosi në dispozicion 52 milionë stërlina për thatësirën në Somali.
Por ministri përgjegjës për ndihmat ka deklaruar se Britania e Madhe nuk do të bashkëpunojë me militantët e Al Shabab, që kontrollojnë pjesën më të madhe të Somalisë.
Andrw Mitchell po viziton kampin e madh të Dadabit, në veri-lindje të Kenias, për të vëzhguar përshkallëzimin e krizës së shkaktuar nga thatësira.
Thatësira e këtij viti konsiderohet si më e ashpra në 60 vitet e fundit dhe dyshohet se ka prekur rreth 10 milionë persona.
Top Channel
