Obama: Jo fotove të Bin Laden
04/05/2011 20:55
“Lufta nuk është e shenjtë, jeta është”, protestë masive në Tel Aviv për marrëveshjen e pengjeve. Kryeministri izraelit përballet me presion 05/05 11:03
Nuk do të publikohen fotot e Osama bin Laden. Deklarata është bërë nga vetë presidenti amerikan Barack Obama, në një prononcim për CBS News.
Rrjeti informativ amerikan ka bërë të ditur në faqen e tij në rrjetin Twitter, se deklaratën presidenti e ka bërë për emisionin “60 Minuta”, që do të transmetohet ditën e diel.
Më herët mediat amerikane njoftuan se presidenti Obama dhe rrethi i personave që ndoqën me të në Situation Room operacionin në Abotabad, nuk e panë vdekjen e Bin Laden.
Sipas burimeve, pavarësisht teknologjive të sofistikuara të CIA-s, që mundësuan ndjekjen e misionit në kohë reale, ka pasur një ndërprerje që ka zgjatur 20 deri në 25 minuta.
Më pas, në Situation Room ka mbërritur lajmi: “objektivi u arrit, shënjestra u eleminua”.
Top Channel
