Korcë, Majko: Jo dhunë në fushatë
13/04/2011 19:50
Artizani që nuk pushon kurrë! Josif Muça 82 vjeç, ende bën punime druri: Puna është jetë!
13/04 12:45
Pandeli Majko ka thënë nga Korca se situata politike nuk duhet të jetë e tensionuar pavarësisht incidenteve që janë shfaqur së fundmi.
Ai ka dënuar aktin e djegies së flamujve të PS, duke kërkuar një fushatë elektorale pa eksese.
Majko ka thënë se duhet që palët të bëjnë një menaxhim të qetë të fushatës zgjedhore, duke qendruar larg nga aktet vandale.
“Ruajtja e qetësisë, e një historie që nuk duhet të ketë lidhje me djegie flamujsh e pankartash, është e rëndësishme. Distancimi i PD nga këto akte është pozitiv dhe mendoj se do të ketë mirëkuptim nga ana jonë”, ka deklaruar Majko.
Gjirokastër, Ruci: Listat me probleme
Deputeti Gramoz Ruci, nga qyteti i Gjirokastrës ka denoncuar problemet e mëdha me saktësinë e listave zgjedhore.
“Të gjitha këto nga ne janë evidentuar dhe vazhdojmë t’i denoncojmë në takime e institucione ndërkombëtare. Por kjo nuk mjafton, sepse vazhdon tradita e kartave falso. Ushtarakëve, mësuesve e nënpunësve u kërkohet mjeti i identifikimit, përse?”, ka deklaruar Ruci.
Top Channel
