21 janari, Hamarberg: Mbështetje prokurorisë
22/02/2011 13:45
Ja kush është familja nga Hasi që ruan traditën! Grup xhirimi i TCH kalon natën tek familja Mulaj 15/12 17:16
Pas një vizite pak ditore në Tiranë, komisioneri Thomas Hamarberg bëri publik një raport special përmes të cilit i kërkohet forcave politike në Shqipëri të bashkëpunojnë me Prokurorinë e Përgjithshme në hetimin e ngjarjes së 21 janarit, që shkaktoi 4 viktima.
Hamarberg u shpreh se ka mirëpritur deklaratat e disa grupimeve politike për pavarësinë e organit të akuzës, por nga krahu tjetër, tha ai, me keqardhje janë vërejtur edhe akuza të forta ndaj këtij institucioni.
Komisioneri është shprehur se në Shqipëri ka hasur në një polarizim ekstrem dhe ku dy grupimet kryesore kanë dhënë përshkrime të ndryshme për atë që ka ndodhur realisht më 21 janar.
Hamerberg kërkoi shmangien e ndërhyrjeve politike, ku përfshihet edhe policia, në hetimin që po kryhet nga autoritetet përkatëse dhe kërkoi bashkëpunim me prokurorinë për zbardhjen e saj.
Gjatë vizitës së tij, komisioneri u takua me presidentin Topi, kryeminsistrin Berisha, prokuroren e përgjithshme, me përfaqësues të Partisë Socialiste dhe krerë të tjerë të institucioneve në Shqipëri.
Top Channel
