Pavarësia e heshtur e Kosovës
16/02/2011 20:15
Aktakuzë ndaj pesë zyrtarëve në Kosovë, dyshohet se kanë i kanë shkaktuar dëm shtetit mbi 120 mijë euro 24/12 12:15
Nesër Kosova mbush tre vjet nga shpallja e pavarësisë. Por shteti i ri ndodhet në kushte kur nuk ka konstituuar ende Parlamentin e ri, qeverinë e re dhe kur presidenti vazhdon të jetë një ushtrues detyre.
Përkujtimi i kësaj dite të rëndësishme do të jetë tërësisht i zbehtë, pasi nuk është parashikuar asnje ceremoni zyrtare.
Zëdhënësi i qeverisë, Memli Krasniqi ka deklaruar se pikërisht mungesa e institucioneve të reja ka ndikuar në këtë situatë.
Megjithatë, qeveria Thaci është mbledhur për të festuar 3-vjetorin, ndërsa presidenti Jakup Krasniqi, përvecse ka përshëndetur qytetarët, ka falur 103 të dënuar me burg.
Kosova shpalli pavarësinë e saj më 17 shkurt të vitit 2008 dhe deri tani ajo është njohur si shtet sovran nga 75 vende të botës.
Mes vendeve që nuk e kanë njohur atë spikat pesëshja e vendeve anëtare të BE, Spanja, Greqia, Sllovakia, Rumania dhe Qiproja.
Top Channel
