Rusi, policia përballet me terroristët
27/01/2011 15:35
Policia ruse u përfshi në një shkëmbim zjarri me disa miliantë të dyshuar në krahinën jugore të Dagestanit, në një incident ku mbetën të vrarë katër persona, lajmëroi Agjensia Ruse e Lajmeve “Interfax”.
Nuk dihet ende nëse ngjarja e ndodhur jashtë një vendbanimi në Khasavjurt është e lidhur me sulmin kamikaz që shkaktoi vdekjen e 35 personave në aeroportin e Moskës, ditën e hënë.
Sipas burimeve policore, forcat e shtetit hapën zjarr pasi terroristët e dyshuar refuzuan të dorëzoheshin. Ata u përgjigjën gjithashtu me zjarr. Tre persona mbetën të plagosur.
Top Channel