Kina hedh poshtë akuzat e spiunazhit ushtarak
25/01/2011 15:30
Katari bën thirrje për “veprim urgjent ndërkombëtar” për të parandaluar sulmin izraelit në Rafah 08/05 22:45
Një gazetë kineze ofroi sot prova për pavërtetësinë e akuzave të spiunazhit ushtarak në dëm të interesave amerikane, një ditë pasi diçka e tillë u pretendua nga një ushtarak i lartë kroat.
Një general kroat siguroi se kishte parë agjentë të Shërbimeve Sekrete Kineze duke marrë pjesët e një gjuajtësi amerikan të pakapshëm nga radarët, i cili u rrëzua nga kundërajrorët jugosllavë gjatë konfliktit të Kosovës, në vitin 1999.
Disa ditë më parë, Kina inaguroi avionin e saj të parë të pakapshëm nga radari. “Nuk është hera e parë që media ka akuzuar për spiunazh pas prezantimit të mjeteve ushtarake të teknologjisë së re. Është e pakuptimtë t’i përgjigjesh spekulimeve të tilla”, deklaroi një zyrtar i lartë i Ministrisë së Mbrotjes për të përditshmen “Global Times”.
Një pilot testimesh, Xu Yongling, siguroi se i kishte parë mirë avionët F-117 amerikanë, por garantoi se teknologjia e përdorur prej tyre nuk është e përputhshme me atë që funksionon në gjuajtësit kinezë.
Ditën e hënë, një inxhinjer ushtarak amerikan, Noshir Gowadia, u dënua me 32 vite burgim për kalimin e sekreteve ushtarake në Kinë.
Top Channel
