OSBE : Dhuna përkeqëson situatën
21/01/2011 20:35
Reshje shiu dhe temperatura të larta, ja si parashikohet moti këtë të martë 06/05 07:29
Zyra e shtypit e OSBE-së në Tiranë ka shpërndarë një deklaratë të kryetarit të radhës të OSBE-së, Ministrit të jashtëm të Lituanisë, Audronius Azubalis.
Ministri lituanez, kryetar i radhës i OSBE-së, u bëri thirrje të gjithëve në Shqipëri që të përmbahen nga përdorimi i dhunës, pas përleshjeve që shkaktuan disa të vdekur dhe shumë të plagosur.
“E drejta për të demonstruar – thuhet në këtë deklaratë ¬– vjen së bashku me përgjegjësinë për ta bërë këtë në mënyrë paqësore”, tha Azubalis.
“Dialogu dhe bashkëpunimi mund të kontribuojnë në zgjidhjen e problemeve me të cilat po përballet Shqipëria. Dhuna dhe deklaratat provokative vetëm sa e përkeqësojnë situatën”.
Kryetari i radhës i OSBE-së theksoi se organizata dhe prezenca e saj në Shqipëri do të vazhdojnë të punojnë së bashku dhe të mbështesin përpjekjet e autoriteteve, institucioneve dhe aktorëve të shoqërisë civile të Shqipërisë për të konsoliduar demokracinë, të drejtat e njeriut dhe shtetin e së drejtës.
Top Channel
