NATO: Të nisë strategjia e tranzicionit
20/11/2010 12:20
Konfiskuan anijen e lidhur me Izraelin së bashku me 25 anëtarët e ekuipazhit, ministri iranian: Do t’i lirojmë së shpejti 27/04 10:07
Sekretari i përgjithshëm i NATO-s, Anders Fogh Rasmussen ka hapur pak më parë ditën e dytë të punimeve të samitit të Aleancës, në Lisbonë të Portugalisë.
Përvec liderëve të vendeve anëtare të NATO-s, në samit janë të pranishëm edhe presidenti afgan Hamid Karzai, si dhe drejtuesit e 20 vendeve që veprojnë në kuadër të forcës ndërkombëtare, ISAF.
Vetëm pak caste pas nisjes së mbledhjes, liderët e vendeve kanë dhënë dritën jeshile për nisjen e strategjisë së tranzicionit në Afganistan.
“Strategjia do të hyjë në fuqi në fillim të vitit 2011 dhe ka si objektiv kalimin e përgjegjësive të sigurisë tek trupat afgane në të gjitha provincat e vendit brenda vitit 2014”, thuhet në një komunikatë.
Në këtë dokument mbështeten edhe përpjekjet e qeverisë afgane për integrimin e atyre anëtarëve të njësive rebele që heqin dorë nga dhuna dhe pranojnë kushtetutën afgane.
Top Channel
