OKB kritikon zgjedhjet në Birmani
19/11/2010 08:55
Një komitet i OKB-së për të drejtat e njeriut ka dënuar zgjedhjet e fundit në Birmani, duke deklaruar se ato nuk ishin as të lira e as të ndershme.
Komiteti është shprehur se i vjen shumë keq që junta ushtarake nuk ndërmori hapat e duhur që zgjedhjet të ishin transparente dhe gjithëpërfshirëse.
Por Kina ka dalë në mbrojtje të regjimit, duke theksuar se hedhja e fajit në njërën anë nuk do të sjellë përmirësimin e të drejtave të njeriut në Birmani.
Liderja pro-demokratike Aung San Suu Kyi nuk u lirua nga arresti i shtëpisë para zhvillimit të zgjedhjeve, por vetëm pas tyre.
Ajo u bëri thirrje mbështetësve të saj që të bojkotonin procesin, por pas lirimit u shpreh e gatshme të takohet me liderin e vendit, gjeneralin Than Shwe.
Top Channel