Lindje e Mesme, shmanget atentati i Hamas
17/11/2010 17:00
Shërbimet palestineze të sigurisë kanë shmangur një atentat të organizuar nga krahu i armatosur i lëvizjes Hamas, kundër guvernatorit të qytetit të Nablusit.
Lajmin e bëjnë të ditur agjencitë ndërkombëtare, sipas të cilave disa persona janë arrestuar dhe një numër i konsiderueshëm armësh janë sekuestruar.
Sipas burimeve, militantët po përgatiteshin të rrëmbenin edhe disa kolonë izraelitë dhe të kryenin të paktën një sulm vetëvrasës në Izrael.
Pak muaj më parë drejtuesit e Hamas kishin kërcënuar se do të rifillonin luftën e armatosur me qëllim dështimin e negociatave të paqes.
Top Channel