SHBA, hapen qendrat e para të votimit
02/11/2010 15:00
Dështon fluturimi, avioni del nga pista, 10 të plagosur! Nis hetimi në Senegal
09/05 19:40
Në Shtetet e Bashkuara janë hapur qendrat e para të votimit në kuadër të zgjedhjeve afatmesme, të cilat do të sjellin një Dhomë të re Përfaqësuesish dhe ndryshimin e një të tretës të Senatit.
Votimet do të mbyllen pas 14 orësh, kur qendra e fundit të mbyllet në Alaskë, në 00:00 me orën lokale.
Qendrat e para të votimit janë hapur në Bregun Lindor, Konektikat, Indiana, Kentaki, Mein, Nju Jork, Tenesi, Vermont dhe Virxhinia.
Partia Demokratike e presidentit Barack Obama pritet të humbasë shumicën në Dhomën e Përfaqësuesve dhe po përpiqet që të ruajë Senatin.
Nga ana tjetër, republikanët shpresojnë që të bëjnë për vete votuesit e pakënaqur nga situata ekonomike.
Në këto zgjedhje garohet për 435 vende në Dhomën e Përfaqësuesve, për 37 vende nga 100 të Senatit, për 37 poste guvernatorësh nga 50 gjithësej dhe për legjislaturat e 46 shteteve.
Top Channel
