SHBA, amerikanët gati për zgjedhje
02/11/2010 12:00
E reja tregon tmerrin kur implantet e gjoksit ‘i shpërthyen’ duke e lënë të traumatizuar (fotot)
09/05 15:24
Miliona votues po përgatiten për të votuar në Shtetet e Bashkuara të Amerikës për të zgjedhur anëtarët e rinj të Dhomës së Përfaqësuesve dhe një të tretën e Senatit.
Partia Demokratike e presidentit Barack Obama pritet të humbasë shumicën në Dhomën e Përfaqësuesve dhe po përpiqet që të ruajë Senatin.
Nga ana tjetër, republikanët shpresojnë që të bëjnë për vete votuesit e pakënaqur nga situata ekonomike.
Kandidatët bënë dje, në ditën e fundit të fushatës, përpjekjet finale për të nxitur votuesit.
Votimet do të fillojnë në Bregun Lindor në 06:00, me orën lokale, kur do të hapen edhe qendrat e votimit në Konektikat, Indiana, Kentaki, Mein, Nju Jork, Tenesi, Vermont dhe Virxhinia. Procesi do të përfundojë 14 orë më vonë kur qendra e fundit të mbyllet në Alaskë, në orën 00:00.
Në këto zgjedhje garohet për 435 vende në Dhomën e Përfaqësuesve, për 37 vende nga 100 të Senatit, për 37 poste guvernatorësh nga 50 gjithësej dhe për legjislaturat e 46 shteteve.
Top Channel
