Presidenti meksikan Felipe Calderon ka deklaruar se SHBA duhet të bëjnë më shumë për të ulur kërkesën për drogë, që nxit aktet e dhunës në Meksikë.
Në një intervistë për emisionin “Hard Talk” të BBC, Calderon është shprehur se më shumë duhet të bëhet edhe për të ndalur ata që kontrollojnë fluksin e armëve drejt Meksikës.
Për shkak të luftës për kontrollin e tranzitit të kokainës drejt Shteteve të Bashkuara, në Meksikë kanë humbur jetën mbi 28 mijë persona.
Presidenti Calderon u ka bërë thirrje votuesve të Kalifornisë që të hedhin poshtë propozimin për legalizimin e marijuanës në shtetin e tyre.
Calderon, i mbështetur edhe nga liderët e tjerë të vendeve të Amerikës Latine, ka theksuar se legalizimi i kanabisit do të jepte një mesazh kontradiktor.
Top Channel
