Një libër që pritet të dalë në pranverë të vitit 2011 heton në lidhje me rrënjët afrikane të Obamës dhe dyshimet e familjes së presidentit amerikan se i ati i Barack Obama-s u vra. Zyrtarisht ai konsiderohet i vdekur prej një aksidenti me makinë, por familjarët kanë dyshimet e tyre rreth kësaj cështjeje.
Titulli i librit është “The Obamas” dhe ka për autor Peter Firstbrook i cili hedh më shumë dritë mbi rrënjët e presidentit Obama nga ana e babait të tij, një afrikan nga Kenia.
Autori ka qenë ish-drejtues i BBC-së dhe gjatë punës së tij për shkrimin e librit ka intervistuar anëtarë të familjes, personazhe të tjerë në Kenia, prej të clëve është përpjekur të zbulojë shkaqet e vërteta të vdekjes së Obama Sr.
Babai i Obamës vdiq në 24 nëntor të vitit 1982 dhe zyrtarisht u mësua se bëhej fjalë për aksident automobolistik për shkak të drejtimit të mjetit në gjendje të dehur. Por dëshmitë e reja të mbledhura nga autori thonë një anë tjetër të historisë: Obama Sr është vrarë. Autori i librit ka mbledhur dëshmitë e shumë të afërmve, përfshirë edhe nënën e tij dhe të gjithë bien dakord në versionin se ai është vrarë përmes një aksioni të orkestruar nga qeveria e Kenyatta-s.
Top Channel
