Trupa speciale ushtarake janë vendosur në rajonin gjysmëautonom të Somalisë, për të shpëtuar një ministër të rrëmbyer nga piratët.
Ministri i Porteve, Said Mohamed Rageh po mbahet peng në qytetin e vjetër të Jaribanit, që konsiderohet si një strofull e piratëve.
Autokolona që e shoqëronte u sulmua dy herë ditën e premte dhe ai u rrëmbye në tentativën e dytë.
Analistët thonë se incidenti është një tetntativë për të rrëzuar administratën Puntland, e cila ka zgjedhur të përdorë dorë të hekurt ndaj piraterisë.
Në tentativën e ditës së premte, nga shkëmbimi i zjarrit mes rojeve të sigurisë dhe piratëve mbetën të vrarë dy persona, një agjent dhe një pengmarrës.
Ndërkohë, negociatat për lirimin e ministrit Rageh po vazhdojnë me pleqtë e qytetit, të cilët mund të bindin pengmarrësit.
Top Channel