Përpjekjet për të shpëtuar 33 minatorët e bllokuar nën tokë në Kili mund të nisin mesnatën e së martës.
Testi me kapsulën e shpëtimit është kryer me sukses, duke përshkuar pothuajse të gjithë thellësinë prej 622 metrash.
Minatorët janë bllokuar në minierën e San Hozesë që prej datës pesë gusht dhe pozicioni i tyre u arrit nga një mjet shpues ditën e diel.
Gërmimi i tokës, i njohur ndryshe si “Plani B”, u zhvillua në praninë e qindra personave, kryesisht familjarë të minatorëve.
Të dhënat e fundit mbi procesin e shpëtimit u bënë publike nga ministri kilien i Minierave, Laurence Golborne dhe inxhinierët.
Top Channel
