Të paktën 13 persona janë mbytur dhe tetë të tjerë konsiderohen të humbur pasi një anije e marinës amerikane dështoi në operacionin e shpëtimit të një varke të prishur në Gjirin e Adenit.
Një zyrtar i forcave detare në Uashington tha se anija “USS Winston Churchill” u përpoq të riparonte motorët e varkës, por pa patur sukses.
Atëherë ajo e mori atë duke e tërhequr deri në brigjet somaleze, por përpjekjet u kthyen në tragjedi kur pasagjerët anuan në një anë të varkës për të marrë ushqime duke shkaktuar përmbysjen e saj.
Të gjithë pasagjerët, 85 vetë, ranë në ujë. Shumica e tyre shpëtoi, por të tjerë jo. Sipas autoriteteve të marinës, personat ishin 75 etiopianë dhe 10 somalezë, që po udhëtonin në mënyrë klandestine.
Top Channel
