Kolonët izraelitë kanë rinisur ndërtimet në Bregun Perëndimor duke sfiduar hapur paralajmërimet se veprimi i tyre mund të kompromentojë bisedimet e paqes me palestinezët.
Moratoriumi 10 mujorë izraelit i pezullimit të ndërtimeve përfundoi të dielën, pavarësisht përpjekjeve të ndërkombëtareve për zgjatjen e tij.
Presidenti palestinez Mahmud Abaz në mënyrë të vazhduar ka përsëritur se ngritja e banesave të reja në Bregun Perëndimor do ta detyrojë të braktisë negociatat e nisura rishtaz.
Por megjithë thirrjet e shefi të qeverisë së Tel Avivit, Beniamin Netaniahu për frenim, kolonët izraelitë kanë nisur nga puna.
Departamenti amerikan i Shtetit është shprehur i zhgënjyer nga vendimi izraelit për moszgjatjen e moratoriumit.
Të njëjtin qëndrim mbajti edhe numri një i Organizatës së Kombeve të Bashkuara, Ban ki Moon, ndaj atyre që i përshkroi si veprime provokuese të shtetit hebre.
Në Bregun Perëndimor të banuar nga gati 2.5 milionë palestinezë jetojnë më shumë se 430 mijë hebrenj.
Top Channel