Pas trazirave ndëretnike në Kirgistan, ku rreth 100 persona kanë humbur jetën, Rusia vendosi dërgimin e trupave ushtarake për të mbrojtur instalimet ushtarake në këtë vend.
Vendimi është marrë nga autoritetet e sigurisë ruse të cilat vendosën dërgimin e një batalioni me numër të konsiderueshëm ushtarësh.
Ndërkohë nga përleshjet ndëretnike në krahinën e Jalalabadit në Kirgistan mes uzbekëve minoritarë dhe kirgizëve janë regjistruar mbi 100 viktima ndërsa agjenci të ndryshme lajmesh njoftojnë për 75 mijë uzbekë në që kanë braktisur shtëpitë e tyre.
Qeveria e Kirgistanit, në përpjekje për të rivendosur situatën nën kontroll ka dekretuar gjendjen e jashtëzakonshme në krahinën e Jalalabadit duke i dhënë dorë të lirë ushtrisë në veprimet e saj.
Top Channel
