“Sex and the city 2”, premiere boterore ne “Imperial”

“Sex and the city 2”  vjen ne kohe reale edhe per publikun e Tiranes. Nga mbreme, ne kinema “Imperial” shfaqet premiera boterore e ketij filmi mjaft te diskutuar. Kater mikeshat nuk do te flasin me veç per moden, ndonese dollapet e tyre jane te mbushur me fustane endrrash dhe kepuce te shumellojta.

Ne filmin e ri te drejtuar nga regjisori Michael Patrick King, mikeshat me te famshme te botes na ftojne te hyjme ne shtepite e tyre e t’i ndjekim ne aventuren qe nga rruget e Nju Jorkut i çon me pushime ne Abu Dhabi, pa bashkeshortet dhe femijet. Carrie eshte tashme e lodhur qe ne vitin e dyte te marteses me Big, ndersa Charlotte eshte thuajse e shkaterruar nga dy vajzat e saj grindavece.

Ato do te na udheheqin ne nje udhetim ne shkretetire dhe ne boten arabe, ku tashme i kane lene fustanet ngjitur pas trupit dhe po jetojne luksin qe u ofrohet. Hoteli ku ato vendosen ne Abu Dhabi(skenat reale jane xhiruar ne Marok) eshte i teri luks, ndersa ne ekran ofrohen pamjet e kater limuzinave, secila nga nje, te cilat ua ka ofruar sheiku i vendit.

Episodi i dyte i ketij filmi nis si nje udhetim ne zbulim te ekzotizmit, por qe ne perfundim te tij, protagonistet do te kene ndryshuar per shkak te rrethanave apo te njerezve qe takojne. Skenari eshte i mbushur serish me shprehje te dykuptimta, me batuta rreth seksit apo me biseda te lirshme mes kater mikeshave.

Ndonese kritika boterore nuk ka thene fjale te mira per kete realizim te dyte, duke e quajtur shpesh te merzitshem, pritja e publikut ka qene e madhe. Kete fakt e tregojne biletat e shitura qe me pare se filmi te shfaqej ne sallat e kinemase. Te njejtin reagim pritet te kete edhe publiku shqiptar i familjarizuar me kater protagonistet, i cili do te kete mundesi ta ndjeke ne kinema “Imperial”.  

Top Channel