Mashtrim me pensionet e akademikeve

24/06/2009 08:30

Nje ligj shume i reklamuar i qeverise premtoi pensione deri ne 60 mije leke per disa dhjetera mijera profesore dhe asistente-profesore, por ne realitet, ofron nje rritje pensioni prej jo me shume se nje gjysme pensioni nga ai i rendomti qe shperndahet aktualisht.

Por ironia me e madhe, qendron te fakti se per te kompensuar rritjen e pensioneve per profesoret e djeshem, jane profesoret dhe asistente-profesoret e sotem, ata qe do te paguajne.

Nga ana tjeter, ligji sanksionon se profesoret qe nuk i plotesojne shpejt letrat per pension suplementar, nuk kane te drejte ta terheqin pensionin shtese nga data e hyrjes ne fuqi te ligjit, por nga data e dorezimit te kerkeses.

Xhep shtese

Qeveria shqiptare ka vendosur te krijoje nje “xhep” shtese te sistemi i sigurimeve shoqerore per te diferencuar pensionin e perfituar nga intelektualet nga pensionet e pjeses tjeter te popullates.

Por skema e re nuk del jashte logjikes se zakonshme te sistemit te pensioneve ne Shqiperi, nje sistem qe akuzohet nga ekspertet si nje skeme e paster piramidale.

Skema presupozon qe Instituti i Sigurimeve Shoqerore te grumbulloje taksa shtese nga stafet akademike te universiteteve publike dhe private, per te mbuluar kostot e reja qe lindin nga ligji i ri. Dukshem, institucionet akademike private, do te detyrohen te paguajne me shume sigurime sesa ato shteterore.

Keshtu, sanksionohet qe profesoret qe punojne ne privat, te detyrohen te paguajne 7 per qind te pages se tyre aktuale me shume nga sigurimet shoqerore te zakonshme qe paguajne aktualisht. Ato te shtetit do te paguajne 3.5 per qind te pages bruto me shume.

Shqiperia vleresohet se ka me dhjetera mijera pensioniste qe mbajne tituj akademike, pergjithesisht trashegimi e sistemit ekonomik te kohes se komunizmit. Sot, numri i punonjesve me tituj shkencore eshte shume me i pakte, kryesisht si pasoje e tkurrjes se aktivitetit akademik gjate periudhes se tranzicionit.

Masa e perfitimit

Ligji i publikuar se fundmi ne Fletoren Zyrtare, thote: “Masa e pensionit suplementar eshte 1,3 per qind e pages referuese per çdo periudhe te ushtrimit te titullit ‘profesor’ dhe 1.1 per qind e pages referuese per çdo periudhe njevjeçare te ushtrimit te titullit ‘asistent-profesor’”.

Kjo klauzole duket shume premtuese, por shoqerohet nga nje tjeter, e cila sanksionon se masa e pensionit suplementar fillestar per personat qe nuk kane kontribuar, nuk mund te jete me shume se 50 per qind e pensionit te pleqerise.

Top Channel