Kupa e Konfederatave, Portugalia e nis me barazim
18/06/2017 00:00
Luis Enrique: Jemi pranë një titulli të merituar, Mbappe? Sezonin e ri do të jemi më të fortë 26/04 19:47
Kampionët e Europës në fuqi, nuk kanë arritur më shumë se një barazim 2-2, në përballjen e parë të vlefshme për grupin A të Kupër së Konfederatave, atë ndaj Meksikës.
Portugezët kaluan të parët në avantazh, në minutën e 34, me anë të Quaresma-s, i cili shfrytëzoi mjaft mirë një asist të Cristiano Ronaldos.
Meksika reagoi dhe barazpeshoi shifrat tetë minuta më pas, me anë të sulmuesit kryesor Chicharito Hernandes.
Në pjesën e dytë, Portugalia u hodh në sulm, në kërkim të golit të avantazhit, të cilin e gjeti në minutën e 86, me anë të Cedric.
Gjithsesi, Meksikanët nuk dorëzohen as këtë herë dhe gjetën golin e barazimit, në minutën e parë shtesë, me anë të mbrojtësit Moreno.
Grupi A, kryesohet nga Rusia pritëse e kompeticionit, e cila fitoi ndeshjen hapëse me rezultatin 2-0, ndaj Zelandës së Re.
Në mbrëmje do të luhet ndeshja e parë e grupit B, ajo mes Kamerunit dhe Kilit, ndërsa nesër do të përballen dy ekipet e tjera të këtij grupi, Gjermania me Australinë.
Top Channel
