Ka përfunduar në barazim derbi madrilen mes Realit dhe Atletikos, një rezultat që i vjen për shtat më shumë Barcelonës.
Takimi i luajtur në Santiago Bernabeu u mbyll me rezultatin 1-1.
Të parët që kaluan në avantazh ishin “Los Blancos” dhe për çudi rrjetën nuk e gjeti as Ronaldo, as Benzema dhe as Bale, por Pepe.
Mbrojtësi goditi bukur me kokë një krosim të Toni Kroos dhe zhbllokoi rezultatin në minutën e 51. Atletiko u bë më kërkuese në sulm, por Carrasco humbi një rast të mirë i vetëm me portierin e Real.
Pak minuta pas këtij rasti, Griezman nuk gabon. Ai i vidhet mbrojtjes vendase dhe në rrëshqitje e sipër shtyn topin në rrjetë.
Me këtë rezultat, Reali vazhdon të ruajë kryesimin në La Liga me 72 pikë, 3 më shumë se Barcelona, që luan në mbrëmje ndaj Malagas në transfertë.
Top Channel