Premier League, Arsenal në vend të dytë, City siguron Championsin
15/05/2016 00:00
Luis Enrique: Jemi pranë një titulli të merituar, Mbappe? Sezonin e ri do të jemi më të fortë 26/04 19:47
Arsenal është nënkampion i Anglisë. “Topçinjtë” e Wenger kanë arritur të fitojnë 4-0 në sfidën e fundit ndaj Aston Villas dhe të përfitojnë nga lëshimi i Tottenham për të rrëmbyer vendin e dytë në klasifikim.
Ndërkohë, një lajm i mirë vjen për Pep Guardiolan, trajnerin e ardhshëm të Manchester City, pasi skuadra e tij e ardhshme ka siguruar vendin e 4 që do të thotë se ka një vend për të në Champions sezonin e ardhshëm.
“Qytetarët” barazuan 1-1 në transfertën ndaj Swanseas, që ishte edhe ndeshja e fundit e Pellegrinit në stolin e kësaj skuadre. Tottenham u turpërua nga skuadra e Rafa Benitez, Newcastle, pasi u mposht 5-1, duke bërë që të humbin edhe vendin e dytë.
Kampionët e sezonit të kaluar dhe ata aktual, Chelsea e Leicester, u ndan në barazim 1-1 në “Stamford Bridge”. “Blutë” e Londrës e mbyllin sezonin në vendin e dhjetë në klasifikim dhe presin Antonio Conten për t’i rikthyer sërish në mesin e skuadrave pretendente për titull sezonin e ardhshëm.
Southampton fiton 4-1 përballë Crystal Palace dhe do të luajë në Europa League sezonin e ardhshëm, kjo edhe falë humbjes së West Ham 2-1 ndaj Stoke City.
Në ndeshjet e tjera, Liverpool me mendje tek finalja e Europa League, e mbylli kampionatin në barazim, pasi sfida mes West Brom përfundoi 1-1. Watford dhe Sunderland gjithashtu ndan pikët në barazimin 2-2, ndërsa Everton fitoi 3-0 përballë Norwich.
Sezoni 2015-2016 i kampionatit anglez pritet të mbylelt me ndeshjen Manchester United-Bournemouth, e cila u shty për arsye sigurie.
Top Channel
