Policia e shtetit ka njoftuar se Operacioni Forca e Ligjit ka vepruar sërish në lidhje me ngjarjen e 17 janarit 2020 ku u mor peng Jak Prenga dhe më pas u vra nga disa persona.

Pas sekuestrimit të kompleksit Golden, OFL-ja ka sekuestruar edhe banesat e personave të përfshirë.

Njoftimi:

4 shkurt, OFL

Një vazhdim të aksionit të nisur ditën e djeshme nga Operacioni Forca e Ligjit, lidhur me ngjarjen e datës 17.01.2020, sot, më datë 04.02.2020, Drejtori i Përgjithshëm i Policisë së Shtetit ka nxjerrë urdhrat e sekuestrimit për subjektet e mëposhtme:

  1. Shtetasit A. M., me banim në lagjen Skënderbeg, Shkodër, i është sekuestruar:
  • Një banesë njëkatëshe, e ndodhur në lagjen Skënderbeg, Shkodër.
  1. Shtetasit M. D., me banim në Nicaj, Shkodër, i është sekuestruar:
  • Një banesë dykatëshe + një kat njësi shërbimi, e ndodhur në lagjen Fermentim, Shkodër;
  • Pasuria e llojit arë me sipërfaqe 1541 m2 ;
  • Pasuria e llojit truall me sipërfaqe 350 m2.
  1. Shtetasit A. D., me banim në lagjen Bleran, Njësia Administrative Rrethina, Shkodër, i është sekuestruar:
  • Një banesë dykatëshe, e ndodhur në lagjen Bleran, Njësia administrative Rrethina, Shkodër;
  • 3 automjete
  • 1 motor.
  1. Shtetasit G. F. me banim, lagjen Skënderbeg, Shkodër, i është sekuestruar:
  • Një banesë vilë katërkatëshe, me pishinë;
  • Një automjet;
  1. Shtetasit A. D. me banim në lagjen Bleran, Njësia Administrative Rrethina, Shkodër, i është sekuestruar:
  • Një banesë trekatëshe, e ndodhur në Hot i Ri, Shkodër.
  1. Shtetasit M. B., me banim në Grudë e Re, Shkodër, i është sekuestruar:
  • Një banesë dykatëshe + një kat papafingo, e ndodhur në Grudë e Re;
  • Një automjet;

Operacioni vijon.

Personave që u janë sekuestruar pasuritë janë:

Aldo Manishta

Ardian Doçi

Artan Doçi

Gentian Funiqi ose Gentian Doçi

Martin Bleta

  Me automatik, pistoleta e kapuça, si u rrethua nga OFL resorti luksoz në Shijak. Dosja pasurore i kalon SPAK (VIDEO)

  (FOTO)/ Policët e OFL-së rrethojnë kompleksin “Golden” në Shijak

  Personi i 5-të i arrestuar për rrëmbimin e Jak Prengës në Kamëz – FOTO

  Rrëmbimi dhe vrasja e Jak Prengës/ Ja kush është Altin Hajri, pronari i resortit luksoz i shpallur në kërkim

  Vdes Jak Prenga i marrë peng/ Shkak një ngarkesë prej 250 kilogramë kokainë që humbi në Angli

  Altin Hajri u dënua më 7 vite burg vitin e kaluar, Apeli e shpalli më pas të pafajshëm

Top Channel